من سویرم چوخلی سنی سن ده منی ایستگینن

                         تا اولاسان مجنونووا لیلا گوزللر مارالی

سن منی مجبور ائلمه تا کی تمنایه گلیم

                     مجنونا تای من سورونوب خدمت لیلایه گلیم

من یانیرام آیریلیقین اولدوغی دوزخ اودونا

                       بیر نه اولار سن قویاسان جنت اعلایه گلیم

آلّاهی شاهید توتورام من سنی چوخ ایستمیشم

                    قوی کی گوزل گول اوزووی بیرده تماشایه گلیم

گوزلریوه دریا ددیم تا کی مجوّیز وئرسن

                        ماهییا تای من ده اوزوم بیرده او دریایه گلیم

آلّاها خاطیر منی اوز وصلیوه چاتدیر گوزلیم

                        تا تزه دن من دوغولوب بیرده بو دونیایه گلیم

آخ گوزلیم بیر منه باخ سویله کی سنسن هارالی

                               قوربان اُولوم گؤزلریوه گئشمه یانیمنان آرالی

سن قویوسان اُخلاریوی اُوز اُو کامان قاشلاریوا

                             هی ووروسان اُونلاری سن تا کـی اُولام من یارالی

دوز اُو زامان کی گؤرورم گول اوزووی هئچ بولوسن

                               بیر گونه جان من اُولورام هم یوخولی هم هاوالی

 بول یومورام گؤزلریمی دونیانین اُو گوللرینه

                               تا کی گوزل من ائشیدیم سن ده اُولـوبسان وفالی

عشق هاواسی کی اُوتوروب قلبیمین اوستونده بوگون

                                  ارزیشین اَلدن وئریب آخر گؤزومه دونیا مالی

اولدوز سایاراق گوزله میشم هر گئجه یــاری      گئج گلمه ده دیر یار یئنــه اولمیش گجـــــه یاری

گوزلر آسیلی یوخ نه قارالتی نه ده بیر سس      باتمیش قولاغیم گور نه دئشیلمک ده دی داری

بیر قوش آییغام سویلیه رک گاهدان ایلیــده ر     گاهدان اونودا یئل دییه لای لای هوش آپــــــاری

یاتمیش هامی بیر آلله اویاغدیر داها بیر مـــن      مندن اشاقی کیمسه یوخ اوندان دا یوخــــــاری

قورخوم بودو یار گلمیه بیردن یاریلار صوبـــــح       باغریم یاریلیر صوبحوم آچیلماسنـی تــاری

گوز یاشلاری هر یئردن آخارسا منی توشلار        دریایه باخـــــار بللی دی چایلارین آخـــــــــاری

محراب شفقده اوزومو سجده ده گـــــــوردوم        قان ایچره غمیم یوخ اوزوم اولسون اوناســاری

دان اولدوزی ایستر چئخا گوز یالواری چئخما        اول چئخماسادا اولدوزومون یـوخ دی چئخـاری

گلمز تانیرام بختیمی بیردن آغارار صوبــــــح         قاش بئیله آغاردیقجا بئلـــه باشدا آغــــــــاری

سویب سویلمئگ

فضــولینیـــن    گــوزل    یازیــلاریندان

ای کمــــان ابــرو شهیــد خنجر مژگــانینـــــم               

                                  بولموشام فیض نظــر سندن سنین قربانینــــم

کاکلین تارینه پیوندائتمیشم جان رشته سیـــن       

                                  باشین ایچون بیر ترحم قیل کی سرگردانینــــم

نولا قیلسام ترک می مینت قیلیب زاهــدلـــــره      

                                   نیله رم می نشئه سین من کی سنین حیرانینم

شانه وش یوزناوک غم سانجیلیب دیرجانیمـه 

                                  تا اسیر حلقــــــــه گیسوی مشک افشانینـــــم

ال چکیب قطع نظرقیلمیش علاجیــم دن طبیب 

                                 بیلـــــدی گویا کـــی خراب نرگس فتــــانینـــــم

جانه میلین واریسه حکم ائیله تسلیم ائیلـه ییم 

                                 شــاه سن سن مــن سنین بیــر بنـــده فرمانینم

غنچه قیلمازشادگول آچمازتوتولموش کونلومو 

                                آرزومـنــد  رخ  آل  و  لــب  خــنـــدانــیــنــــــم

یا رب بلای عشقیله قیل آشنا منـــــــــی            

                                           بیر دم بلای عشقیدن ائتمــه جـــدا منی                 

آز ائیلمــــــــه عنــایتینـــی اهل دردیـدن             

                                           یعنی کی چوخ بلالره قیل مبتلا منــــــی

اولدوقجا من گوتورمه بلادن ارادتیـــــم          

                                          من ایسته رم بلانی چون ایستر بلا منی

تمکینی بلای محبت ده قیلمـــــا سوست          

                                          تا دوست طعن ائدیب دئمیه بی وفا منی

گئتدیکجه حسنون ائیله زیاده نگاریمین       

                                          گلدیکجــــه دردینــــه ائت مبتلا منـــــی

من هارا ملازمت اعتبــــار و جــــــــــاه           

                                           قیــل قابــــل سعادت فقر و فنا منـــــــی

ئویله ضعیف قیل تنیمی فیرقتون ده کی  

                                           وصلینه ممکن اولا یئتیرمک صبا منی

نخوت قیلیب نصیب فضولی کیمی منــه    

                                           یا رب مقید ایله مه مطلق منـه منــــــی

ترشح قبریمین داشین دن ائتمیش چشمیمین یاشــی

                               خیال ایلر گورن کی لعلیدن دیر قبریمین داشــــی

نه زیباسن کی صورت باغلاماز تصویر رخسارین؟

                              تحیــر صورت ائیلر صورتین چکدیکجــه نقاشی

نولا گرداب غم دئرسه دل سرگشتــــه دنیایــــــــه ؟

                              سانیرکی چیرگینیرعالم کیمین کی چیرگینیرباشی

سپـهــر پــر کواکب دن دئیــــل درده دوا ممکــــــن

                              خیال ائتمه وئره تریاک زهر غم بو خشخاشـــــی

بقاسی ممکن اولماز اولسا گر دیــوار عمــرون ده 

                              مــــه و خورشیددن خشت و بنا افلاکیدن کاشـــی

وئرر امواتــــه احیا باده ، گویا کی چیخیب هرگون

                              سالیر فیض مسیحا باده یـه ، میخانــه خفاشــــی

فضولی نی ره عشقین ده ، اشک آل ائـدر رســــوا

                               بلادیرهر کیمین بیر یولدا غمماز اولسا یولداشی

هاممینیز بیلیرسیز کی من نه دئییرم

بیزیم کیمی اینسانلار کی نفس آلیب وئر مئگی ادبله٬ قایدائیلا٬ جانلا٬ سوزیله٬ روحلادیر بیر خاص بیر فرقیله بوتون اینسانلارلا آلیب وئرمئگ دیر .

او اورگه او الاهیه آند اولسون کی ادبله هنرله گزن اینسانین ایاقینین آلتنداکی توپراقدا مین رنگ لر گووئرر .

صاف دئمگ صاف٬ دانیشماغ ٬ صاف باخئش٬ اونون بیر خصوصیتینندیر.

عزیز دوستلاریم اونو منن یاخشی بیلیرسیز کی اینسان نه قدیر وار اونیلا روح دا وار ٬ روحا لازیم اولان شئی قئزیل٬گوموش٬واردولت دئییل روحا لازیم اولان شئی بیر بئله صنعتی عصیرده اوز نوتیندا ٬اوزقالیبینده ٬اوزقابیلییتینده روح قدر دئبرمگ دیر ٬ روح قدر دانیشماغ دیر٬ روح قدر باخماغدیر .

بوتون اینسالارین آراسیندا مینلئرجه دوشمان لیغ اولوب آما نئیسه کی هر یئرده بویوک بیر بایراق کی هئچ بیر یلنن اسمه ییب هئچ بیر النن دیکئل مه ییب ٬ هنردن بیر باشکا فیطرتدن کی اینسانلارین بوتولیگینه لازیمدیر ٬بیزی یارادان بئیئندیگینه ویرمیش بیر ابدی جانلی بیر اینسان کی بو بایراقی بوتون اینسانلارین اورگین بیر توپراق یر کورره سینه بنذتمیش ٬ سانجیب اوزی گئدسه ده هر بیر اسمئگیله باهاری تعلیم ایلیر.

سیزین کیمی بیر اینسانلار اولار کی بیر گونده بایراقی سانجیب باهاری تعلیم ایلیه سیز.

بوتون صولح بوتون دوست لیغ صداسینی طبیعت واینسانلار آراسیندا چالان سیزین کیمی بیر اینسانلاردی .

نه یاخشی بیزیم سوزوموز وار   نه یاخشی بیزیم حقیقتی گورن گوزوموز وار  نه یاخشی بیزیم موغامیمیز وار کی بوتون یئر کورره سینده بیزی شصت گزمه یه وادار ایله ییر.

 وار اولون قوللاروز یازماغدان یورولماسین

سونسیز نغمه میز سونسیز سوزوموز   سونسیز یئریمیز سونسیز گو یمیز

بوتون قاراندیغلیغ ایچینده بیزیم زیامیز بیزیم زینتیمیز

کونولر سماسی یر اولدوز لاری  بو شانا شوکته خوش گلیب سینیز  

قوی سیزی اوخشاسین هر شیرین کلام    بو اللیگ عادته خوش گلیب سینیز